• 業Sir

一副好牌沒有什麼了不起,把一副爛牌打好才是了不起。

昨晚看了一篇文章,其實感受有點深。其標題為: 一副好牌沒有什麼了不起,把一副爛牌打好才是了不起。

係乜?? 梗係唔係打牌喇,如果堅諗打牌既,你地賭性有D重

其實意思係講一個人既人生,有些有天生家境富裕贏在起跑線,跟本從少不需要做什麼就已經是人生贏家,呢個為之手揸一副好牌。

而一副爛牌既,就應該係自小出生於好窮既家庭,天生就係人生既輸家,所有野都比唔上人,每一步都好似為他人作嫁衣裳一樣,每一步都俾人踩住上。

在香港好多家庭也會盡量將呢副好牌出千又好,搵關系又好點都好,想幫子女做到呢副好牌。但好多人天生一副好牌但最終也將副牌打到爛晒,重要係打到無得番轉頭。而有一些人能將一副爛牌越打越好,終於將一副爛牌打出,成為人生贏家。

其實人生就係要有經歷才會成長,你俾到一副好牌俾下一代,但難保佢到頭來唔會打出一副爛牌,兒孫自有兒孫福,何需太刻意替佢起手就係一副好牌呢?

我自己副牌係點?我自己副牌我諗係一副好普通既牌,我試過本來做索子,後來貪玩就去做同子,而家可能係做緊萬子,人生未完未知最終會點做法。但我副牌一路以來係順逆順逆咁去,我出身平凡,但我不甘於平凡,所以我無論如何都盡量會將副牌自摸,而唔會最終摸和。這是好勝,也是人既欲望,年青人一出生擁有太多,欲望就會唔高,咁又如何想得到更多呢。


67 次瀏覽