• 業Sir

一生五十宅の房L的誕生

我既新書"一生五十宅の房L的誕生"已經係書展泛華檔口有售了,呢本書係我前半生既經歷再加上一些實用性既資訊。一睇個書名就知,我份人熱愛物業喇,而且重好鐘意港式形容詞。

我前半生用左10年時間左右達成財務自由,呢個好彩成份係有但我又唔信全靠幸運可以做到。我自己從來都無見過一個財務自由既人係好彩而非靠實力,係同期認識好多一齊起步既投資者,最終各有不同。

有人選擇一早離開呢班列車,有人選擇唔上車,有人選擇跳車,乜都有。當過左10年後,大家可能會見到大家不同際遇既分別,不過一日未去到尾,大家都未知呢架車會唔會出軌? 但係我覺得我而家重坐係呢架列車上,而車上既我已經有好多條安全帶扣好晒,我希望我去到終點既時候都未會出軌喇。

財務自由其實只係人生既一個中段目標,當做到財務自由後,我自己就開始要計劃人生既下半場。因為呢下半場可能會係為健康而戰,為開心而戰,財務自由可以幫你減左一部份既壓力,你更加可以全心全意去規劃你既下半生。

越早開始規劃你既財務,你就越早達到財務自由,財務自由並非遙不可及,希望大家都盡快能夠達到。

多謝支持。


© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle