• 業Sir

創出時機X Sake Diamond 酒匯飯局

昨晚報左名去 創出時機X Sake Diamond 酒匯 飯局,席間學下野,聽下一眾專家分享下,自問自己好少出席呢類飯局,一來太多人二來通常會飲大左,不過昨晚自己控制得唔錯,可能席間D人唔係劈酒就好少少。

講番飯局,席間聽到法子兄及汪生對物業既分析, Hea富學 郭釗 兄都有分析下英國物業投資,星之谷按揭轉介既莊總也有分享一下按揭資訊,幾位猛人同場分享,學到野。小弟少有出席呢D飯宴,感覺不錯,因為可以係一個場合好快去聽下人地既知識及論點,先不論自己同意與否,但各位無私交流都確係幾難得。

最終點解吸引我去? 其實時生 確係幾吸引我去睇下佢係一個乜野人,原來男人同男人都有吸引力,應該唔係hh吧。由迷你倉事件,果時我都諗緊佢可能玩完,但好老實,佢好快又企得番起身,重要比之前企得更硬淨,呢樣確實幾令我佩服,做人成功唔難,好多人都好成功,但相反跌低左再企起身既人,我身邊識得確係唔多。其實某程度上我都唔知如果我自己有一日衰左,做唔做到鯉魚翻身,可能真係收埋自己就算了。吸收人地既強項也是最快可以令自己成長既方法。

創出時機 Sake Diamond 酒匯 業Sir - 樓計識 投資大法 - 業Sir 業Sir - 好筍盤

33 次瀏覽