• 業Sir

大律師wor........

今日講乜都預左俾人鞭屍,但唔講我又忍唔到。你睇下,一個大律師一條政棍,呢句說話出自佢把口,D後生既同其它市民點會唔有樣學樣。


好老實兩邊用暴力都一定錯,呢個係基本是非問題,如果咁都分唔清,我諗你既思維有問題。當日新城市,警察俾打到仆街時,一班黃屍一眾叫好,重問佢未死? 家下一班白衫打黑衫,同樣地話打得少。其實大家有無諗過暴力係大家都玩唔起,唔係圖下條大律師所講既野,佢出把口就一班人去衝,你見唔見佢自己除衫落場? 呢D就係精人出口,笨人出手。


白衫今次係過左火位,但唔好諗住黑衫o岩晒,你睇直播時,係黑衫挑人機,叫人入閘打佢,到人地入閘佢地係走。白衫做多一步係,點解要入車箱,殺錯好人。其實之前白衫係網上已經講晒會做野,黑衫點解要入去? 其實大家可能係直播當中都聽到有人話入元朗覆桌,咁就發生呢件事了。一隻手掌拍唔嚮,兩邊都係衰,兩邊都有錯。


另外你話差人咁遲入去,當其時元朗站唔停,差人跟本唔可以最快去到,元朗本身又塞車,同埋警力好大部份已經去左西環一帶,你話點玩。咁其它差人? 差人既宗旨係先保護到自己再保護市民,其它差人無裝備點敢亂黎,你話有槍嘛,同樣道理,咁沙田警察有無用槍? 打你既人就係人,打警察果時就唔係人? 係狗? 家下重要咁多火頭燒? 中聯辦國徽都俾人攪,今次真係觸碰阿爺底線。國徽可能對大家無意義,但作為一個中國人既我等同身份像徵,你唔誠認中國可能係你既問題,但你不能侮辱國徽,因為你只會激起全國人民既愛國情緒,到時香港就唔係咁簡單可以解決了。


夠喇,大家都暴力夠了,每次遊行,最後都係暴力收場,到時白打黑,黑打白,最終沒完沒了。千其千其唔好再俾政棍利用了,是非黑白都可以講到咁,大律師?

你地睇完要小又好點都好,預左了,香港亂夠喇,到時香港金融玩完,大家先黎後悔,太遲了。

業Sir - 樓計識


14 次瀏覽

© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle