• 業Sir

房L的誕生10

更新日期:2018年10月29日

當時不斷出去睇樓,但當其時基本上唔多識點睇,一來自己睇好少樓,二來我有兩隻狗,除左村屋原來全香港9成屋苑都唔俾養狗。我試過睇美孚2xx萬三房單位 1xx萬嘉湖,但見到周圍冷氣機滴水,同埋又係唔俾養狗所以終歸放棄,本來對嘉湖情有獨鐘。


後來我記得係香討,唔知點解有人擺左份全港可養狗屋苑大全出黎,我就跟住一個個盤去搵,全香港睇左好多,腳皮都爛。後來竟然發現左一個大圍既遺失了的屋苑,三房單位2xx萬,可以養狗既屋苑,有會所重要在97年係定位為豪宅興建,全屋苑最細都係三房單位。當時我搵左幾間AA去睇,唔知係咪我個樣太衰當我流,跟本帶去睇D盤原全唔掂。最攪野係呢個屋苑平既原因係有部份單位望向山墳。其實我都講過,我其實唔怕鬼,但我好怕窮。但有個AA 帶我睇個盤一世難忘,低層,全屋牆紙爛晒發霉,見到都唔開胃。經典既野黎了,一拉開飯廳窗簾,見到個大山墳,大佬我唔驚,都無乜理由食飯陪住我食? 果種近同大既程度,我覺得係可以擺三隻酒杯筷子,每日上清香三注,燒埋衣紙,當拜山,堅近。當然即係急步走喇,之後呢個AA,我都費事跟佢睇了。後來又唔知點解有個女仔,自己主動打電話俾我,但唔係大圍區,話帶我去睇,呢間正路喇,開揚遠境,遠山墳境,睇完後,即刻叫佢傾價,最終283萬成交。原來賣家當年5xx萬買入,但佢好利害,高收入人士,10年來,供剩幾十萬,重要買多間大單位係隔離棟到住。我都話書中自有黃金屋喇,鬼叫自己細個唔讀書,大個做運輸。


當時係人生第二次申請按揭,自己去銀行申請,用9成上,最蠢係用兩個人名去買,堅on9。買時又聽到身邊親戚朋友話當然盡快供晒佢好喇,唔洗蝕息。咁果時又真係on99咁走去申請15年按揭,每個月供2xxxx,真係供到on99,重定下自己15年唔好去旅行。後來出席去舊同事飯局,我同果位舊同事講開,佢話即刻改番做30年按呀,你咁攪法咁辛苦為乜,我都唔多記得佢話我乜了,總之意思就話我on9喇。就係重有半個月成交時我走去改做30年,佢話都驚改唔切,但又好好彩最終真係改到,每個月我無記錯都係供10000左右,同之前相比差好遠。呢位舊同事我確係想當感激,無左佢提我,我就真係死左了,在此說聲多謝。


236 次瀏覽

最新文章

查看全部

一生五十宅之五 - 業Sir 人生第一次負資產

業Sir 人生第一次負資產,家人中左SARS 點樣過到呢個難關? 點擊鏈结獲取樓盤資料: https://api.whatsapp.com/send?phone=85269774447 https://api.whatsapp.com/send?phone=85293715861 ☎️:852-69774447, 852-93715861 #時代水岸#港珠澳大橋#珠海筍盤#珠海新樓#樓市

© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle