• 業Sir

房L的誕生11

上回講到間自住終於就轉左30年按揭。


我果時好夠膽,因為見之前都無乜加過人工,就自己踩入老細房,同佢講我要加40%人工,條鬼佬O左嘴,問我係咪講笑,我話唔係,因為我知道揸住左公司個命脈。佢考慮左—陣,好快就同我講20%,我話我做好多野,乜都關我事,一人行一步30%,佢即刻話ok,策略成功,即時加人工。所以有時你自己無把炮係手,同老細叫加人工,老細堅睬你都傻。


果時我層樓,我無記錯每個月係供10000左右,當其時,用晒D錢,無乜錢去搞裝修,就求其搵左個師傅做裝修,算好了,收左我3xxxx,就全屋鋪磚,油下油,其它廁所廚房全部無整,不然就貴死了。用左個幾月裝修,最終就搬左入去,傢俬都無乜錢買,求求其其就算了。


當其時,間村屋就吉左出黎,然後求其翻新下就出租,當時租好似係4500 然後每個月就俾阿媽收租當家用。然後又唔知係邊到聽人講,將層樓加按,我估都係discuss 多,咁咪又去做加按law,我記得加按左4x萬出黎。果時乜都唔識架,然後就上Discuss 睇下D錢可以點用。點知有條友講左個no. 同一D道理又好似幾合羅輯,咁你知喇number 降人士,見number 係會沖架嘛,呢個number 就係1919 中國遠洋,國企黎,見到應該唔會死吧?


當其時1919 我無記錯股價係5.xx,我聽完果條友講,又唔知點解會二話不說,就係5.xx 果個價All in 4x萬落去。果時個心乜都無諗,一注過,其實呢個動作堅同賭錢無分別。買左之後,正到暈,好野唔會一齊黎,衰野就全部出現,08金融海瀟,當其時公司出糧都唔穩定,見到生產線有停工,國內同事我無記錯係要佢地停薪留職,自己都驚驚地。然後又發現我個屋苑隔離果戶,成交只係22x萬,重要包一個車位,我暈了,即係乜? 我人生第二次負資產呀。當然重要黎多樣野喇,隻1919 個股價插到落去2.xx,賴晒野,D錢我係加按,即係借既,果刻基本上埋單去計,其實我已經收左皮。果時都確係驚驚地,但都無計,驚都解決唔到事情,唯有盡量保住份工先喇,重諗!!!


324 次瀏覽

© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle