• 業Sir

房L的誕生3

已更新:2018年11月12日



話說係電子廠到做時人工7xxx,其實我果時on99地申請左居屋,重要抽得中,但自己計過,買的話月供6xxx,一個月得番一千幾佰食屎咩,當然自己都無同屋企人講,到而家提番,我D屋企人都話做乜唔出聲,我都係咁講,算喇都過左去。其實係我自家心目中一向都無諗過靠屋企人去做D乜,我只深信一樣野靠人就不如靠自己。我會考時得果幾分,我呀媽同老豆講過賣左層樓供我去外國讀。果時邊有諗得咁深入,果時只係諗唔捨得香港既朋友。

到而家諗番好L彩我自己話唔去,如果去L左我深信我呢種人應該日浦夜浦,重讀乜鬼書,可能求9其畢到業,但番到黎我點還番層樓過佢地? 你都知喇而家D樓幾很貴先得,閒閒地幾佰萬,我賣屎忽都搵唔到番黎,真係好L彩。

之後我就入左果間IT公司,人工9000蚊,其實都係打下雜,不過就著恤衫西褲打呔既打雜,不過又咁講係果到我又確係學到IT既野,果時跟著個大佬好肯教我野。果時番太古城,你知車費幾很貴喇,基本上日日帶飯,我搵9000 人工,我每個月可以儲7000 人工差不多,係咪好很勁? 當其時同已前女友拍緊拖,好彩大家都慳。其實果一年我學野好快,可能重後生,對server所有野好感興趣,唯獨是英文唔多掂。原來出到黎做野,我地9x年代讀書果D,好少聽鬼佬講英文,完全唔習慣,邊似得而家有駐校鬼佬同你9up。公司本身係美國公司,有鬼佬,果時個大老細係鬼佬黎,叫我入房9up 幾句,我出到黎都唔7知佢up乜。有時又有D電話係英文,真係唔很掂,咁就經常搵我當其時好friend 既一個同事幫拖,佢都問我,其實果D英文都幾白,你聽唔到? 我話係呀,無計英文差,我唯一強項面皮厚,唔識就唔識架喇,有乜計。之後一年左右,開始聽慣聽熟了,大約知佢9up D乜,先開始溝通到。一年後,大約2001年 我加人工了,人工由9000 --> 14000 ,我果時見到14000 跟本就無諗過自己可搵到呢個人工,當然好開心。咁我就開始想買樓了,這也是每個年青人想有自己天地既想法。

圖下呢個地方我行足5年,需無本事住果頭,但起碼我曾經路過

26 次瀏覽