• 業Sir

溝女1 - 沉船爭解纜,綠帽戴住先

今日星期日,因應特別節目調動關系及聽眾要求,會推出週日別注系列 - 溝女1

點解會講溝女? 因為某些聽眾要求law,唔關我事架。講到我講溝女,人地唔知以為我好把炮,其實我以前都係一個宅男,日日係屋企上網,睇下AV 睇下動漫咁,有邊條宅男唔係? 但我會變左唔係宅男,好大原因都係我係大陸做左好多年野。呢D係後話.......

近日其實聽到一些事係關於一個男的會將多於自己既收入去奉獻俾佢既女神,聽落我都覺好偉大,簡直要扮個國際人權獎咁滯,但其實係好on9。

係大陸做野時見過好多女仔,有個香港男朋友,每月俾幾千生活費俾佢,但原來佢反過來係大陸,佢又會俾錢去養一個男人,我地以前叫呢D被助養既男人做狼狗。而個香港朋友個狀態俗稱沉船,呢兩個字應該經常見到。見得多慣了,有時見到果D女仔既香港男朋友重會上黎接佢行街送野等等,其實我真係好想埋去同佢講唔好做傻仔了。但幾年後既今日,我發現好多呢類故事出現係香港,重要可能有幾位男士為佢沉船。

其實兩個人結識,最好係去搵人生既另一半做前題。如果你目的唔係去搵人生另一半的話,你就唔好晒呢D時間,不如去諗點樣搵多D錢先。

溝女自己所見,先唔好講內在野,內在野無浦既,因為第一眼見既一定係外在野行先。所以不外乎係靠幾樣野,個樣,高度,口才,學歷,家底同錢等等。你先要分別到你自己係邊類,你係邊類並唔係你自己話就係,係人地講先算,記住

如果你自問未有以上條件,你咪去創造出黎law,當然以上所有既野其實都有得創做出黎,但最終你只係需要一樣野,果樣野就係錢。只要你有錢,頭果5-6樣野全部不再重要,甚至乎可以創造出黎。但你如果on9到無以上條件,而又將最重要果樣野"錢"都毫無保留甚至乎借埋錢去俾晒果位女仔的話,我想問你,我係果個女既重點解要留你身邊。 "沉船爭解纜,綠帽戴住先"

(此文分享與一眾沉船中男士)

業Sir - 樓計識 #業Sir私伙野




547 次瀏覽