• 業Sir

第三次世界大戰

我既人生係42歲呢年,開始步入我既收成期,但當步入收成期既同時,亦係開始我要準備離開老家既時間。香港曾幾我覺得係一個可以終老之地,但我諗真係唔多適合喇,因為太多事,太多爭拗,我自己都唔想再留低。


近日多事之秋,錯,係多事之夏,我不斷收到身邊認識既朋友,有D係大老闆,中小企,甚至乎有少少資產都同我講,你係咪走? 其實我都諗住走,你會去邊頭等等。其實大家知唔知咁樣亂一亂,死果堆永遠唔會係有D錢既一群,死既永遠都係小市民。因為有D資產既,佢地可以選擇離開,如果佢地可以係香港有舒適既生活,到其它地方只會更舒適,鬼佬地方除外。相反一般市民呢? 當呢班中小企老闆真係放棄香港走既時候,老百姓就只有逆來順受,失業羅,咁點呀? 到時香港人就要真正為求存而上街了。


你可能話我講黎講去又係政治,係呀,最慘經濟真係同政治掛勾嘛,你估我想講架,我日日出去開片既同時,我只發現到一樣野,今次係一個更加大既決裂,更加多人想走。其實大家知唔知,今次可能係世界第三次世界大戰? 但戰場就變成了金融同政治上,如果大家真係唔多加小心自己既防禦力,好容易就變成炮灰了。

業Sir - 樓計識


© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle