• 業Sir

職場老屎忽

今日剛好同湯博士在葳言大意話題相似,真的不好意思,但這也是本人自己的想法

大家先睇下下面個故事,其實好多中小企慢慢地已經俾富二代上位,先不論果位富二代能力如何,但通常都係係外國浸完咸水番黎。每個年青人一定有自己一套,我都年青過,年青果套當然唔會同一班老鬼夾得埋喇。

係我地呢個年紀,如果係一間公司打工打左2x年以上,我深信你已經係呢間公司既老臣子,重唔明?? 即係你已經係外面職場失去左求生既能力呀。一個人係一間公司打工2x或3x年,好聽D叫忠心,唔好聽既係係個comfort zone 太耐,唔想走。打一份工打幾十年,正路只會係我老豆果輩先出現,係呢個時代,唔係話你忠心唔好,係你既忠心會對你自己殘忍。

富二代上位,老豆未退落黎,你好彩,你重可以捱多一陣,因為佢老豆還會沿用佢自己果套,你還可以生存。呢段時間就睇你本事,你有三條路可以行: 1. 盡量令到富二代覺得你有利用價值,你可以幫到佢,你係佢既人 2. 係呢段時間,就盡快轉工,千其唔好貪戀呢到既權力同地位,不然你會死得好慘 3. 坐定定係到,Dut正正係到,乜9都唔好做,等炒,如果你外面好多現金流有無份工都無緊要,我撐你

但當富二代上場既時候,都係會得兩個結果,佢一係好叻仔/女,將全公司管理得好好,但一定會加入年青化,你一係就要配合佢,佢繼續覺得你有用,咁你還可安享晚年,但你一定無以前咁舒服,因為臨老你要學好多新事物。

第二個結局就係,個富二代好唔掂,最歸公司蝕大錢,最終會點? 以前個大老細,一定唔會話自己個仔或女唔掂,班老細要面,明知佢廢都唔講出聲喇,咁佢廢,公司又蝕錢,你覺得乜野人要負責? 就梗係你呢班老屎忽喇,無睇住佢,任佢亂黎,一大堆罪名就會加係你頭上,而佢個仔女,永遠唔會有事,正所謂切肉不離皮。咁最終既結局就係,你班老屎忽執包袱離開,離開左會點? 正所謂人在人情在,你試下果時打工識落既vendor 有幾多個會幫你搭路入去佢地公司,你試過就會知,係無呀。咁以你武功全廢地去搵新工,你會覺得新工用幾錢請你呢? 會俾乜野待遇你呢,自己諗喇,但終歸你都要馬死落地行,因為一家大細,同層樓都等你養,SAD BUT TRUE

https://hk.mobi.yahoo.com/news/%E5%85%AC%E5%8F%B8%E5%A4%AA%E5%AD%90%E5%A5%B3%E4%B8%8A%E5%A0%B4-36%E5%B9%B4%E8%80%81%E8%87%A3%E5%AD%90%E5%8D%B3%E8%A2%AB%E7%82%92-224525564.html

【晴報專訊】所謂「新官上任三把火」,有網民聲稱為一間公司服務36年,已是公司老臣子,近日太子女趁老闆不在香港,大刀闊斧「鏟走」資深員工,雖然做足賠償,但被網民批評太無情。有人力顧問指,近年企業多轉型及轉向電子化,第二代管理人或想換新血而棄用舊臣子。

時代轉變,在職場上可能亦要破舊立新。有網民聲稱在一間公司打工36年,做到主管級,但太子女上場便大搞改革,更向他「開刀」。事主收到解僱信後在帖文指,「不到15分鐘已出電郵通知全公司,完全不給面子,除了一個月代通知金、年終花紅和長期服務金,其他賠償也沒有。」事主批評太子女做法太薄情。

部分人認為太子女在人情方面有理虧,但公司已支付代通知金及花紅等,已算做得足。另有網民估計,僱主或想在長期服務金與強積金對沖機制取消前,趕快炒人以節省成本。

向老臣子開刀 或損員工士氣

Cornerstone Global Partners企業及投資銀行部總監郭智峰指,部分僱主為節省員工退休補償,或向老臣子開刀,但此舉會打擊員工士氣,對公司產生離心力。「有些公司的第二、第三代上場,有感部分老員工退休時要支付大筆補償金,所以提早動手。」他認為資深員工有其用處,例如他們熟悉公司運作及策略,可考慮讓他們退往內部溝通及協調工作,繼續發揮長處。

近年不少企業轉型,且趨向電子化及轉用新科技。郭智峰指,在金融服務業甚少聽聞有人在同一企業打工30多年,而作為舊人也要跟着公司轉型的步伐裝備自己,如學習使用電子科技系統,與時並進才可保持競爭力。

宜與時並進 保持競爭力

嶺南大學人力資源管理和企業行為碩士課程主任林敬新博士說:「個案中的太子女可能有感老臣子不合時宜,公司雖提供足夠賠償,但在情在理仍有虧欠。」林敬新認為現時強積金對沖機制下,導致僱主有誘因解僱資深員工,政府應盡早取消此機制。

林敬新續說,昔日舊人帶新人的師徒制已不太流行,一來技術轉移太快,資歷高並不等於表現一定較新人優勝。而工作工序亦開始電子化,如飲食業及銷售業也走向電子化,並非主要靠人手及經驗支援。即使僱主想培訓新人,也可請外判的培訓主任及提供培訓課程,節省持續聘用舊人的成本,管理起來的彈性會較高。