大家見到我每日一文，其實老實講我就真係當自己係網上寫下日記，記低下做過d乜，當其時既諗法等等。因為我自己近日都睇番我大約10年前寫過既投資經驗，而家睇番都感觸良多。而家寫的就可以到我七老八十時睇番，到時可能笑下自己果時諗法幾on9。
財自一詞係我2x時，完全唔明白係乜，我只知每日翻工湊住d老細，翻去擦下鞋，總之盡量保住份工。到我3x歲時我開始知道財自係乜野，但未能做到，當其時我要財自係因為我份工不穩定，我只想可維持我生計。就係咁係3x歲時我不斷追求我既財自夢，日做夜做，當時比人夠膽沖，亦好老實講而家市面上好多做法都係我先諗到出黎，因為我敢去試。到我財自了，反而令自己更跌入個老鼠圈到，想搵得更多更多，最終人生既慾望令我失去的比得到的多。
到呢兩三年，人生經歷多了，有新想法，開始唔翻工了。感覺上比以往日做夜做既日子更加好，得到的更多更多。今日可以係屋企睇完千王之王，武則天加神鵰，再出去飲茶睇戲，再晚飯。全日加埋都係3xx 蚊，財自好難？？其實一d都唔難。
有時財自了會有人因為唔夠安全感而繼續去做野搵錢但受氣唔開心等等，但財自既意思其實係乜？係你追求財自既途中會唔會又跌番入個老鼠圈？財自係你可以選擇你喜歡既工作，而我喜歡既係物業投資，所以我選擇去教人。
如果你係追逐財自裡面有迷失，會係好正常，因為我都曾經迷先過。財自不難，但人心不足，呢個問題先係徵結令你跌番落個老鼠圈。
祝大家早日真正財自
Comments