• 業Sir

買樓VS租樓(有錢計)

昨日因為出左去深水埗剪髮,係呀無錯,你無諗錯,我係去果D阿姐剪髮洗頭,重有埋按摩既鋪頭,你問我邪定正? 我覺得又邪又正喇,但你理鬼佢喇,你去剪髮之嘛,不過o岩既你咪去玩下羅,速進經濟嘛🤣🤣🤣


但出到去就順便去睇下樓,飲個茶,但就發現到有部份交通燈真係俾人打爛晒,老實講你搞到好多婆仔過馬路都唔知點算,我自己一個廢中都驚何況佢地呢,你點玩都好搞交通燈,真係會搞到撞死人,如果有人因你而咁樣死,我話你知你呢世都孭住一條人命,你唔好諗住破壞一樣死物唔係殺人,報應會報架,你自己諗清諗楚先好去做。


講番樓,外面其實你話好好景我又唔覺,但樓就真係無乜點平,一萬一尺既樓係有,但都真係上左年紀5x年,但呢D樓對於而家既少爺兵黎講係唔會買同唔會住架,個個都要靚野,所以呢堆樓既承接就只會我呢D廢老,當然呢D時間你叫我接件咁既貨,我一定劈到你阿媽都唔認得,所以終歸都係得個行字,做遊客,齋睇唔買。


昨日其實都有人問我一個問題,佢問如果無樓,但佢有一舊錢,起碼過千萬果隻,佢話佢真係唔想買樓,而家租樓住,錢做其它投資。其實首先多謝佢睇起我先,有過千萬現金係手都問我野,不過其實我之前都已經講過類似既case。其實你有咁多錢係手,真係未必需要去買,因為如果你有成1000萬以上,你齋買匯豐都收6厘幾息,一年收成6x萬,每個月有成5萬蚊。跟住租個成千萬既單位,可能都係每個月兩萬幾,一個月重剩低兩萬幾去洗,其實已經係財自喇,咁搞咁多野去買樓做乜???? 只係你有樣野係,你既投資要好有信心,追到通漲之餘重要另外有息過你收,同埋要make sure你老左時可能無人租樓俾你住,同埋現時可能有機會俾業主迫遷。如果你真係接受到呢D缺點,我又唔覺得你唔買樓會好有問題,其實我建議人買自住樓既原因係當佢,無咁大舊錢係手,而又唔多識投資,如果你有錢又識得買下股票的話,我覺得可能租樓亦係一個另類既選擇。


我所講既唔一定會o岩,呢個只係我自己既選擇,至於大家點做,就大家自己決定,始終都成年人了,要對自己資產及財政負責任。

Account 已死晒,你pm我唔到了,我連login 都唔得,搵下面渠道喇。

業Sir Instagram https://www.instagram.com/yipsirsir

業Sir 微博 https://www.weibo.com/yipsirsir

**************************************************************** 廣告時間:

1. 由東莞同鄉會及本人合辦之大灣區社區分享會 大家如有興趣可以參加(免費) 暫定日期: 11月21日 時間: 晚上7:30 - 9:30 地點: 深水埗

大灣區社區分享會報名連結: https://bit.ly/33CTUuJ

2. 最後一班補課班,時間暫定11月14-15號晚上7-10pm 同大灣區1234班一樣,因為有太多朋友查詢,現在加 開,最後最後。之後想上的,就未必幫到佢了 如有興趣請Whatsapp 54645624

https://api.whatsapp.com/send?phone=85254645624



© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle