top of page
  • 作家相片業Sir

連我都講股票???

David Webb 繼去年攪死迷惘50外,今年又一巨獻,迷惘26。 講股? 我梗係唔識喇,我真係識條鐵咩。我自己自問係一個房L,我好單一性投資,我所有資產都係樓多。一來我個人唔識得計果D什麼市盈率,幾錢抵買,幾錢唔抵,同埋我起家都係全靠物業,自然就會相信物業,就好似好多人咁做生意搵到第一桶金,通常又係放番落生意。

我唔鐘意股票重有一個原因,物業其實你買入後,整個物業既控制權全在你自己手上,我鐘意租又得唔租又得,裝修又得,唔裝都得。而股票看似好公開,有會計師等等,但其實大家都明白,好多野可以人為,例如可以供股,可以攤簿你股份,就睇下間公司邊個惡,邊個就可以話事,我出既錢原來要人地幫我話事的話,我不如唔玩,大公司還好,細公司真係幾多人係裡面cap 水。 你睇睇樓下26隻,佢之前重有公布幾十隻,其實我深信成個港股有問題股票邊止咁少呀,千絲萬褸,你唔係局內人都唔會知。其實朋友裡面好多都識果堆人,講真自己都聽過唔少趣事關於呢堆人,點樣搭雞棚,點樣散貨等等,有D就有老細整大個朵,然後開班教course 之後俾number 你,一開始頭係有賺,之後就收皮,坐晒貨。有D重9,分開5堆人,今次group1-2賺錢,Group3-5 蝕錢,下次就調轉。神不知鬼不覺貨又可以散得出,其實各式其式既方法,乜都會出。總之第時有錢去買中左呢堆人既股票,我只能勸一句,一係你要識到佢成為佢朋友,不然做散戶的,死既機會極大。

David Webb無持有新名單股票

《香港01》致電David Webb查詢,他指出,今次名單是圍繞華融金控(0993)和中國民生銀行(1988),透過其發放的貸款和可轉換貸款等資料列出關係圖,說明華融和民生如何「資助」其他謎網股的營運。

至於今次是否因為「中招」先出這張新名單,他就說︰「我見到他們在做什麼,關係圖有助人們見到發生什麼事,並避開這些股票。(I can see what they are doing. It would be very helpful for other people to see what's going on in a picture and avoid those stocks.)」Webb又強調自己無持有任何上述名單中的股票,新名單出台只是為了「public services(公眾服務)」。

David Webb公布26隻不可沾手的股份﹙「The Huarong-CMB network: 26 stocks not to own」﹚。﹙webb-site.com 網頁截圖﹚

冀證監會留意股權集中公司

David Webb提醒,是次公布的關係圖沒有揭露整個藍圖,僅「冰山一角」,「Of course, this is not the whole picture either」 。他在網誌上亦說明,今次關係圖尚未涉獵到內地機構,如上海政府、上海媒體、上海上市的綠地,而獲華融系資助融資的一系列上市公司仍有待審查。

他期望證監會可以留意股權集中的股票,並特別點出兩隻股票:民生銀行旗下的民銀資本(1141)和超人智能(8176)。Webb認為,民銀資本存在泡沫,因為其交易價格遠高於賬面值,而超人智能同樣是股價超出其賬面價值,他懷疑道︰「可能是受到市場不知名人士的操縱﹙maybe subject to market manipulation by unknown person﹚」。

至於David Webb有無籌備下一張名單?他就說「I am always looking at the market」,但目前就未搵到下一張大型關係網!

Comments


bottom of page