• 業Sir

週六輕鬆文

又係星爺爆笑視頻 其實周星馳既戲以前D人話無厘頭,但而家睇番完全係有深度之作。戲中亦都帶出左不少,道理,就好似以下一句,當你越想搵果樣野就越唔會俾你搵到,你夠疆唔好搵,佢就會慢慢浦番出黎。大家呢D經驗應該經常預到,切身經驗之談。其實呢個理論亦經常在投資上出現,財不入急門,你諗住要搵錢時,可能你越搵唔到,相反你無心去做時,機會就出現。其實我唔係叫大家乜都唔做,係要大家時刻準備,機會唔到時就要忍裝備自己,就好似三國時臥龍先生一樣,平日 都係瞓下覺,睇下書,同其它學子交流下,到劉備三顧草廬時機會就來了,你要盡展所長,因為機會可能一世人只有一次。

我人生好彩少少,暫時機會有三次,一次係沙士時,我把握唔到,自身準備不足,完全唔識定位這是機會。第二次係08年,當時準備還是不足,幸好有好朋友好兄弟點醒自己,在機會既中段開始左一段不平凡既人生,第三次我暫時相信係大灣區既機遇,如果我無睇錯,今次既機遇我應該把握得到,但正正係時間今次係要守,要有足夠既準備。

其實片中另外一場戲中,星爺亦都帶出一些訊息,當外父話見到佢入雞竇時,全場人都聽到,最主要係老婆聽到大興問罪之意。即刻阿發可以係短時間內想出方法從容不迫去應付。金庸剛剛走了,佢曾經講過佢最喜歡既人物係韋小寶,其實我自己都係,但好多人諗我鐘意佢,係話我因為韋小寶有7個老婆,但老實講我唔係啊,咁多老婆,我真係攪唔掂喇,煩都煩死。我最鐘意佢係因為佢做事好靈活,適變通,小滑頭,死都拗番生,同埋夠市井,多貪錢,但又有小小仁義果隻。 係社會咁多年,靈活變通好多時比讀書叻成績好更重要,香港人以前何嘗唔係因為靈活多變勤力才有8-90年代既黃金歲月呢? 點解去到我地呢代會無左呢樣強項? 係教育問題還是其它? 自己想想吧




53 次瀏覽

© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle