• 業Sir

邊有咁多富豪在身邊......

今日天朗氣清,但誰人能估到暴風雨的前夕。

其實投資及做人也一樣,無準備的永遠唔會知幾時賴野。見近排多人講別人的故事,我也自家說說吧。曾經在一個活動認識了一位人兄,其主要資產我就先俾個名佢"T牌"

就在97年過份借貸,也忘記了是持有多少個"T牌"了,可能數十個吧,一個浪湧過來,97年收皮了,出面一堆街數,有數個T牌"僅可出售套現。你覺得賣左重會還錢?? 你話呢? 其風險管理也算是零管理,當然,當其時97時這類事件不計其數。如果風險管理由佢去分享,就多謝了don't waste my time.

後來將僅餘既錢,當然係北上喇,又確是好彩,食正個浪,應該之前都算賺到下錢,但對於其跟我說自己身家過億之數,本人看來就未必了,水份應該都幾足。點解? 因為曾經我知道其戶口內只餘幾萬元。我心諗唔很係呀,過億身家既人流動現金得幾萬? 我自問去到我現時既level,流動資金起碼都一佰幾十萬,身家過億幾萬都無,你話make 唔 make sense? 你信唔信誠哥身邊流動現金,幾千萬都無呢? 好老實講,到我自己呢個年紀及Level 我都唔會去咁盡時,我點樣會信過億身家既人去得咁盡呀。我剩係知道該人兄還經常性收到香港追債電話,不敢接聽,欠幾多就只有佢自己知

去年還跟我去提及想去做一此集資去攪一些項目,重話提攜後輩,我聽到都即刻借D意走人喇,重痴埋去托咩,老實講係香港拍下個羅友走左去既人,你還點會同佢合作,有幾時有人咁好,見過你幾次就要提攜你?免得過都免喇。其實講左咁耐我只係想講俾大家知,有時有些事情,其實不難擦覺,就要睇你係咪有心去觀察,如果連咁少既問題都睇唔到,重推人去送死的話,我堅睇唔過眼。有些錢要賺就賺得心安,不然你賺幾多也是枉然。 醒喇,茂李,邊有咁多富豪在身邊......


© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle