而家呢個環境，樓市完全兩極化。曾幾何時，我都講過做生意一係就做有錢人生意一係就做窮鬼生意。而家樓市正正遇上呢個問題，一千萬樓下既樓，成交尚算可以，當然越細價做得越好，但1000萬樓上可能5000萬樓下果堆就較傷，好多時hold 咁多年一樣係慘死收場。呢堆我自己會叫中價樓，而5000萬或過億既又另一個市場，呢堆市場業主係求心頭好，並非一定睇晒價錢。我自己自問就無乜本事玩大價野喇，我就玩細價盤，所以我係做窮鬼生意既。
另一樣租務方面，租應該有排唔洗會升，重會跌添，所以樓既回報應該會一步步咁跌，而套房一個字慘...........呢排聽個地產講，全個櫃桶都係套房匙，完全租唔出。有時有D野物極必反，我都叫過人咪做，覺得唔對路，會爆既格，但只係估唔到係咁爆姐。
祝各路業主好運同睇路喇
如果投資 香港 地產 一房 兩房 定三房 會比較好呢？ 多謝指教