• 業Sir

反清覆明???

台灣,係一個寶島,想當年是亞州四小龍,高科技地區,我唔可以講佢係國家,大家明喇,因為佢係中國不可分割既一部份嘛。以前咁勁,而家個經濟點解可以攪到咁?

你見到果到係一個民主地區,民主當然有民主既好處,但亦有其壞處。基本上每次投次就係藍綠陣營互換,4年綠,4年藍,近呢1x年,每次都係咁樣去換。當藍營上場,又花時間同大陸修好,然後又將綠營4年做既野推倒,眨眼一過又4年,點知民生經濟剛開始好少少,又要換。到綠營上台,又將藍營做既野推倒,又黎玩過,基本上成個台灣係到玩緊無間地獄。你去旅行其實不能發現,基本上台灣呢10年8年物價係無升過,有時重跌左,其實係幾悲哀。

其實做市民既我,我就只求安居樂業搵到錢,我真係唔會理你乜人上場,最緊要大家生活好,有啖飯食下。其實周星馳既韋小寶講出了一個重點。 小寶:現在康熙當皇帝,人人有書念,人人有錢賺,沒什麼不好啊!為什麼我們還要推翻他呢!

陳近南:這是我畢生的志願。

小寶:喔!....但是...為了你畢生的志願就要人死...就要人打仗,會不會太....。

業Sir - 樓計識 #業Sir私伙野

11 次瀏覽

© 2019 業Sir - 樓計識 All rights reserved 

  • Facebook - Grey Circle
  • YouTube - Grey Circle