講樓

好耐無乜講樓，我知道係香港重係好多人未上車或者唔願意上車，但係呢一個月以來，我睇到個樓市其實間唔中有D盤都幾吸引。我意思唔係下圖，只係我有時見到有D盤3xx萬兩房四正，甚至乎見到一D 4xx-5xx萬3房，其實當然喇，你唔好預樓齡係幾年樓喇。我先唔講投資，因為投資去計老實講連我自己都唔多想煩時，我點叫你去投資呢? 我又未至於放一千幾百萬係到唔理既level，所以我講既係純自住計。

如果你份工都ok 確保到供樓無壓力，其實呢類3-5xx 萬既樓真係極之適合自住，你可能又話到時又大維修又夾錢等等，到時既野就到時先算喇，其實你租樓住，租幾個月已經係大維修條數喇，咪一樣。幾十萬首期，就上到，唔好理佢點，你起碼有個殼先，自用的話我極之推介，但如果你話投資，我自己就真係好兩睇。因為香港既維修費太貴，一係你自己去做手作野，好似我咁乜都識少少，如果唔係好多時維修都搞死你。香港物業，我暫時就真係唔去投資，但如果大家要自用的話，我覺得真係可以諗諗佢，唔好問我講果D盤係邊道，自己出去睇下。

記住現階段首要係保到你份工，自己計好數先行動，唔好亂咁9沖，因為跟住落黎大家都會預左失業率係會係咁上，你唔想做果個? 自己諗掂佢，以前公司有野唔做既就而家攬埋黎做喇，重扮高級咩。我話你地知，08年，公司無人送中港野，我幫公司做埋，衰衰地果時我都係個ger 呀，但你唔做? 呢D時間就係呃分既時間喇，打工仔，醒少少呀。

#自住幾抵買 #上車盤 #投資樓我地會員新開既社團，大灣區發展促進會，大家多多Like to share https://www.facebook.com/gbdshk