呢排，開始有朋友問我點投資好或資產配置。現在開始，不定期來一些分享
問: A先生，每月入息1.8萬，工作年幾，25歲，未結婚，無樓，跟家人同住，手頭上有10萬左右，想買樓上車，女友22歲人工不穩定，自由職業，大約每個月一萬多，儲蓄7萬左右，兩位無經濟壓力，不需要供養父母。想問理財配置:
答: 老實講，兩位以呢個人工呢個儲蓄係現時來說想上車確係有少少難度，人工兩位應該可以供得起，但最主要係兩位首期唔夠，以細價330萬既樓為例子，你首期要33萬，每月入息大約32000先計到數，每月還款就12000左右。我都知呢個時間係上車時間，但首期唔夠就係唔夠，一係就要靠父母幫手，不然以現在上車很難。但今日唔得無話將來唔得，第一兩位還年輕，女方可以試下轉位固定人工之職業，無辦法想上車就要有取捨。係未夠錢上車既同時，可以試下係經濟低迷時去投資一下，以加大資本。
例如選擇月供盈富基金以累積資產，就當你地用番同一個供樓既錢去供款，盈富基金從高位回落也有20%，以月供方式，危除性不大，到一年後，應該金額也有一定回報。如果現有資金，我覺得你可以選擇買入收息股票收息，以年回報5%計，我想加埋你之前既月供股票，兩位應該一年多便可上車置業。
如果膽大少少，可以試下投資一些國內二手物業，但當然一定要好小心，因為陷阱好多 (盡量避開一手，商業性公寓及車位投資)，因為如果你真正搵到低水物業，我試過用14萬只需要幾天，就可以20萬賣出單位。這可能是最快速增加資產辦法。國內其實租金回報很多也有4-5厘，流轉也不是想像中咁差。但你唔好同我講用買細價股去比，因為細價股係莊家股，可以全部輸晒，但我呢類國內物業，就算唔賣回報都有4-5厘老實講係唔差。如果1x萬，可以試搵細單位用一次性去買，或以按揭去買，國內按揭最大可做7成按揭，即購買不超過50萬左右之單位。如果以50萬的話，最好是買兩房單位，你問我有咁平? 我會話我搵到law，所以你要更加勤力了。
其實以兩位呢個年紀儲到呢個金錢已經比好多年青人好，只要堅持儲蓄，上車不難。
