呢個究竟乜野時勢? 你唔講我以為個個魚翅撈飯，又話貿易戰，點解D樓會賣得咁快? 間間都唔係平野，差不多成千萬，個市點解唔跌???
香港真係好多有錢人，需然呢個盤開價相對都算平，但每個盤都成千萬，我又真係唔明點解可以咁飢喝。一個又話六位數字收入，一個又話剛出黎做野，家人俾錢，一個又話做地產，好多個單位等等。
好多專家咪經常講個市又點樣，跟住係升，黎緊又跌等等，但我只記得天水圍林太一句 "專家食屎"，睇黎成個市可能唔係我地所想咁死。老實講我並唔係專家，亦唔想做專家。因為做專家好慘，要俾人叫食屎，我就只係一個投資者，我只憑我既經驗同感覺行事。我可能估錯，但估錯咪估錯，無問題，因為我無包袱，最多咪繼續去炒房。型到噴汁!!!
有時當一眾人士話個市會好死時，反而大家可能要逆向思維。有時信專家，不如信自己親身去感受，自己落區去睇，有時睇太多報紙，可能得不嘗失。
https://hk.on.cc/hk/bkn/cnt/finance/20181213/bkn-20181213182412327-1213_00842_001.html?fbclid=IwAR3H3X-yFCo26ZRRAAiaFgf98_By3TmG2Pb-QjYyOC3FSaGyLcU03Rcg0Cg