睇標題就知幾驚，再睇埋內文先，年青人唔好咁心急。
好多人由10年開始話樓市爆煲，最終一地眼鏡碎。睇錯市唔緊要，人人都會有，我自己都因為15年做左一D決定沽出左一間自住樓，而現在樓價是我沽出時多50%，咁我係咪睇錯市? 可能係，不過因為果時有其它問題令我自己加快決定，乜問題就唔多講了。但最主要係自己還有其它物業可以俾自己住，所以只係大屋搬細屋，但完來確係好多垃圾係唔需要，呢個係另一個話題。
當大家身邊咁多人由10年講爆煲到而家都無買樓，你不難發現，果堆人通常係打工而有部份我識的係做生意。我只係想問大家樓市真係爆煲，就當全部業主賤沽物業，呢班等爆煲既人又有無諗過自己份工呢?? 除左你係公務員，你贏，但如果全城爆煲你又點確定你份工重保得住? 另外做生意的更甚，當全城爆煲，市民消費意欲無晒，你既客拖你數，你告佢，佢摺埋間公司，咁你覺得會點，幾多做生意既就係俾人拖數拖死左。
樓市爆唔爆煲無人知，但你首要既係確保你份工或被動現金流唔斷，你先可以係跌市內執平貨。不然果堆平貨只會再一次俾我地呢堆投資人買入，資產到時又會再升值。所以大家當渴望爆煲時唔好咁開心，先唔講咁偉大，你身邊親戚朋友等等如何，你先想想所有既問題發生對自己有無影響先，如果有影響既自己諗下點樣去準備下先喇!!!
傻傻的買傻傻的賺，傻傻的賺了幾百萬； 精明的等精明的看，精明的成了窮光蛋。
