好多人經常講自己點醒，點聰明，上司如何蠢? 跟住個蠢上司比死更難受，但點解永遠你都係要比蠢上司壓住你? 當然醒的人可能真的會轉左工了，因為佢有能力，有能力既人就有選擇老闆同上司既權利。
但無轉工又繼續係到講果班，好老實講你絕不比你上司或老闆高明，因為你還是要被人去控制你，而真正聰明既人就係請比自己聰明既人去幫自己完成工作。
上星期有個好無聊既照片，我睇完後一笑置之，因為果張照片唔知係想比喻說一些事還是單純的笑話一則， 那照片是寫
"Trump has two parts of brain, 'left' and 'right'. In the left side, there's nothing right. In the right side, there's nothing left."
但大家要留意一樣野係Trump 就算好蠢，但佢個位置係美國總統，點解一個咁蠢既人可以做到? 佢係控制全美國最叻既人幫佢辦事，而全美國最叻既人就一路小一路要幫佢工作。好諷刺? 係呀，咁最終我問你邊個先係聰明人，邊個先係蠢人? 世間自命聰明人其實可能係蠢人，而蠢人亦可能係最聰明既人。
人最怕係自視過高，因為永遠天外有天，人上有人，你自視過高會令你不能接受失敗，而接受失敗既人又可以企得翻起身，佢先係真正既強者。大家知唔知 Trump 破產左幾次? 係4次，你覺得你一生人能夠失敗4次後都重可以企得翻起身嗎? 你覺得佢蠢或弱者嗎?
需然我都唔鐘意佢對中國所做既事，但佢係我心目中絕對唔係無腦同蠢，佢亦係一位真正既強者。最蠢既人係唔知道自己蠢，而去相反地話人地蠢既智者。
你會否睇得通?
https://fortuneinsight.com/web/posts/141151?fbclid=IwAR0uGh3jv_VnlrPSK7biwOY_CfGbRA538JFxufBWwDj8KyQstYCvOtESeLo