大家見到呢期多左新聞講業主走貨，我自己其實都落左幾個區睇盤，係有部份盤幾平，但亦有好多業主好硬淨。我見到而家賣既業主，都係止賺離場多，另外有個別蝕賣，佢地可能因為個人理財問題而要蝕賣，我自己就不評論。其實大家會見到好似好多平野成交左，但中原指數又無乜點回，其實果D低價成交真係個別先有，而唔係好多數量咁去成交，咁你祈望個數字大跌，其實幾難。同埋都係果句，六成業主供滿層樓，你想佢大減價賣俾你，你又俾到乜野投資機會佢先? 賣左掉落股票賴左野，點算??
所以唔會好多呢D業主出賣，中國人思想都係買房穩陣，如果唔係房價點會越升越有。我自己覺得今次可能會係另一次上車機會，之後又會再升過，我仍然維持樓市調20%左右，而個別大蝕賣，我就唔評論，因為我都搵到D盤係8xxx 一尺實尺洋樓。
其實個樓市升左成10年有多，調整下也是好事，如果大家無自住樓既，確可以出去搵下，但如果你希望會跌到好似08年果種，我會勸你翻屋企早D瞓，第日早D翻工喇。
業Sir - 樓計識
http://orientaldaily.on.cc/cnt/finance/20181113/00202_002.html
