我隻仔今年14快15了，條衰仔行又唔好眼又睇唔到，重要加埋聾聾地，佢既狗生應該快到盡頭了。佢陪左我14年，頭果10年，我每日真係好忙，無時間理佢，重要係大陸做野，到佢呢幾年，我開始陪多d佢，但原來佢真係老了，已經陪唔到我。隻衰仔最痴果個係我，果時我夜番佢會係大門口等我架，我另一隻女就真係唔會咁做，大覺瞓。到而家我要抱佢上上落落了，上星期應該又中多次風，不過佢d復完能力幾快，只係賴左兩日尿同無乜力之後又正常番。
我其實成日都講狗比人好，因為狗成世就只有主人，同埋只要你餵過佢，佢真係記得你一世。人呢？真係好難講，幫完佢，唔反過來害你執到喇😂😂
呢幾年自己點解要咁積極去財自？一來我真係想係我兩隻狗餘下既狗生，我見佢地多d，陪多d佢地，錢真係無人會嚴多，番份工幾萬蚊，日日坐下其實唔錯，就只係要用左你同佢地見面既時間。我放棄左錢而選擇陪佢地多d，可能好多人話係咪痴線？但其實相反地，我唔做野感覺自己獲得更多。
好多人係呢個社會日日好忙，但其實最終就只係為公司為老闆去忙。我自己堅老實講，我以前打工偷懶就最叻，因為我真係會用最短既時間去做晒d野，當然有技巧地拖住去交功課。早期唔識野，做晒後就係到Hea ，後期就知了，做晒野就借頭借路出去，週圍睇樓。以前好多同事好鐘意係Office Hea 成日問我做乜3x度都出去做野，我咪答唔洗做咩，其實我咪出去做自己野law，但唔通同你講我去睇樓咩😂😂
一個人既改變某程度上係迫出黎，有邊個唔想屋企有錢Hea 做先？但唔得又唔甘於平凡，你就要跳出你自己個comfort zone，去試去搏。我而家可以好大聲講，我做到了比以前更Comfort 😂😂個Zone 都大左，今次呢個Comfort Zone 要我跳番出黎？我諗下世喇😆😆