• 業Sir

房L的誕生7

接前文: 係8號仔一役,我輸了身家,好好彩無輸到自己住既樓。過左好難捱既兩年,係公司慢慢做到無晒心機,又無人工加。果時一朝早番去,做到自己堅hea,12點出去就飲茶,飲到兩點幾先番公司,3點半又出去飲下午茶,4:45pm先番公司,跟住5點鐘就走人。當中又有一些人事上既問題,交心的同事,變了,還要變得快好世界,真係估佢唔到,原來職位權力金錢確實可以使人腐化。需然份工超hea 但終於係頂唔住係第五個年頭,走了。新工作人工多左,但要星期六上班,所以明賺暗蝕。

番第一日工,好唔慣要打卡...港式企業,唉,唯有照做。點知入到去後,有條友日日都著西裝,三十幾度都一樣,唔係我老細但著得型過我老細咁。著得西裝都係小9氣...竟然忌我...佢做左1x年都升唔上阿Ger 位,每次都空降,今次重多條友做佢同一樣既野,又難怪。不過老實講我都無攻擊力,但條友就下下針住,當其時又唔知點解老闆娘經常搵我整電腦,可能又係咁眼紅,最終頂唔住佢,我辭職走人,搵過第份工,最慘重低人工過而家...算喇走,點知一話走,老細應該係收到指示,問我點解走?我話做得無引,咁佢就用銀蛋攻勢,俾錢,最終當然係敵唔過錢喇,就正如高官所講選擇留低比離開更困難。我唯有嘗試去攪好同佢個關系,傾完有大半年好左,跟住原來暗地裡又做一d野,西裝友都係信唔過。

其實呢兩份工確係教左我一D野係職場內無幾何可以成為朋友,太多人因為要上位,會選擇埋沒良心,所以係職場上好多野都不能相信,當然年輕諗住會有真心朋友,但原來跟本係晒9氣。

但呢份工,俾我擴闊到我既眼界,就係可見到國內既機會,因為該公司係國內有分公司,要同國內同事溝通等等,起碼練到下我d國語先,由唔識到識得講下,算好好了,所以之後我都轉左一份長駐於國內既公司。

正所謂: 私私文文無個好人,粗粗俗俗交心至腹


45 次瀏覽