上星期五晚睇皓鑭傳，我係咪好宅?? 其實我都確係幾宅，好多時好深歸，都係上下網做鍵盤戰士。
但果晚都睇到一個對白，之後見有朋友post 出黎就將佢借用一下。呂不韋:『人活著，就是要把不可能變成可能。』
呢一句，其實就係我自己經常所講既不認命。其實可能同不可能有時只係一線之差，你用正常傳統教育去想，當然係不可能，但如果不依正常去想又可能變成了可能。世界太多框框，好多人未去想辦法前已用好多框去放於自己面前，最終就否定了可能性。就好似我以前打工，大老細話要我偷偷將上司部電腦老粒出黎做backup，心知咩料喇，但我知道跟本好難入去拎到部機，你唔通同大老細講唔得呀，最終咪用秘技經網絡隊林佢部機，然後等佢求救時咪攪掂佢。所以我經常性去講做人要變通，變通先可以將不可能變成可能。其實咁大個人，好多方法係到，自己亦應去判斷用還是不用，有什麼風險等等，如果連方法都唔去想的話，你呢一世就係一個不可能成功的人。
