大家見到此文，心諗都係頭果句"風水佬呃你十年八載"，老實講我一向視蘇師父並唔係一係風水佬咁簡單，我覺得佢其實係一位專業投資者。只係由於佢睇風水出身，好自然會用風水知識，再配以投資既思維，就自然而成一套獨特心法。
其實投資路上是孤獨一詞係點解? 好多時投資既人都好難同身邊朋友去分享，點解? 係朋友面前分享，有朋友可能諗你晒野，然後想分享反而變成吵鬧收場。難得可能有一班投資人，如果大家投資人分享當然會開心好多，但各人始終意見不同，每人有自己各自一套，分享是可以，但控制不好又是會不歡而散。
投資久了，各人有各人風格，就好似各門武功一樣。我自己亦自有一套，不易受旁人影響，我果套可以歸類落去丐幫一派，大家應該唔會太明白，但上過我堂既同學仔可能就會知了，因為該門武功叫做 - "尋房垃圾掌"及"打救辦法"，我就突然間變左洪老前輩，老叫化。
其實無話邊門投資大法較強，因為永遠市場環境每日在變，識變通者就能識者生存。一個人的武功高低唔係只睇配乜野武功，就算有絕世武功，如果唔識靈活運用，都係惘然。
https://hk.finance.appledaily.com/finance/realtime/article/20181112/58901193
