昨日剛剛睇到壹週刊，見到一個阿叔，玩炒鋪，炒車位當娛樂，係果區個個地產都識佢幾堅。
其實你不難發現阿叔其實都幾專注去做一樣野，佢將大部份精神時間只留意一區既資訊，重要係只留意鋪位，車位，劏場等等。佢亦都講左一個心法出黎就係成交量要夠大，要有成交紀錄睇到，重要果D係閒錢，玩快閃黨。佢亦都講過最緊要比成交假平2-30%，同快買快賣，山大斬埋就有柴。
其實你會見到網上面，好多人會教投資心法或方法，我自己也不例外，各人有自己一套。無話邊套得定唔得，你就揀你識合果套，因為就算你夾硬用我果套都唔會係好，最緊要佢套野無昆你就得了。等於降龍十八掌，唔配郭靖呢類忠直人士，硬係覺得唔多襯。
https://nextplus.nextmedia.com/news/latest/20181110/636407?fbclid=IwAR2seQLZLQ7qj3jf3q6lZ8FA6hYxEDfljh7hhzjq-RgPV23bU0lldxntqcU