個個都講施政報告，唔講又話我無學問唔識野，講我又覺得無聊，求9其講兩句，講左唔o岩又唔洗死既，大家當武俠小說睇好喇。 昨日林鄭又出左施政報告，新一份施政報告，最注目既一定係人工島，我先唔會評論佢抵唔抵，點樣點樣，因為點解? 佢就算唔用既錢，都唔會分俾我喇，關我9事，無錢到時自己問阿爺攞。
但呢個人工島，你會見到會用好多唔同既道路連接美孚，港島西，屯門一帶，道路連接這幾處地方，我也相信路通就財通，大陸你就有樣得睇，你睇下大灣區咪又係一樣，珠海一條港珠澳大橋，路通就財通了，珠海樓價番幾倍，當然好多樓係到但無人住架喇，小弟相當榮幸有一套係到擺緊，價錢升左，但因為清水房無人租，租又唔值錢，賴野中，不過已經好好彩確係賺左，所以都好過近排去橫琴9買公寓果班人了。另外一個例子就係中山，深中通道一出，價錢即升一倍，到而家3倍有多了，又係路通財通。其實施政報告，另外一個重點就係公私營房屋7:3比，即係有7成起公屋3成起私人物業，呢個可能相對係對私人物業有支持。
但講左上面一大堆野，大家又分析又剩，其實講乜鬼咁多野，你唔覺每屆政府既施政報告講完做唔做到都成問題咩? 施政報告講下就可能叻，到真真正正去做先確定係咪堅野。政府咁多年既印象係，雷聲大，雨點少，我最怕填出黎，變左個伶仃島，上面全部係髮廊，咩呀?好奇呀!
如果呢單野講明係阿爺叫做既，我就反而覺得係堅既，特首講?? 聽下先喇。
唔填唔知財運到，填左可變伶仃島
新一份施政報告已經發表，想知重點有啲乜，請留意以下懶人包
~「明日大嶼」計劃，在東大嶼填海發展1700公頃人工島
~ 公私營房屋變七三比，日後開拓新增土地，7成用作公營房屋
~ 重提工廈活化，包括容許整幢改裝為過渡性房屋
~ 研究在房協旗下的單位，讓長者免補地價「大屋換細」
~ 70歲的長者公屋寬敞戶，若願搬往細單位，可終身免租
~ 取消強積金對沖新方案，延長補貼期及補貼金額至293億港元
~ 建議法定產假由10星期增至14星期，政府女僱員即時受惠
~ 全面禁止電子煙
~ 新增47億港元教育經常性開支，包括公營中小學教師全面學位化
~ 豁免專營巴士用政府隧道收費
~ 提出運用25億港元，協助市民維修舊樓升降機