之前幾個月，講得多暴動，講到我account 又死左，專頁都死死下，但有失必有得，得既係無左account 後發現少左FB 原來先係將心境重整既一大步，太過care 虛疑環境真係有問題。
今日又講下樓，近來我收到好多人係咁問新政策後應唔應該買樓? 我就通常見到都當見唔到，因為係呢D環境我答你乜我都感覺會死同俾人鞭屍。樓市10年以來差不多連開10鋪大，你而家問我買唔買? 我同你講唔買，等陣升左又話我，我叫你買，到時跌左又話我，我點好? 點計你地都贏晒，得我輸。 同埋我又無做地產，我答你買同賣，我都無得收佣，無錢賺重要輸，我無理由咁on9去答你架?其實唔理開大開細都係50/50 一係贏一係輸，我無得玩，所以大家唔好再問呢個問題了。
我其實好簡單咁去講下，香港既樓，我唔理佢咩政策都好，我真係唔會覺得佢會跌4-50%果隻，你話會調20%左右，我覺得會，但之後都係會升，但會唔會好似以前咁一年幾十%，我又覺得有少少難度。如果以純投資計，我無自住需求，我會同你講，我唔會買，因為回報太差，升幅我睇唔到會升得好利害，如果計回報的話，我諗我重有好多選擇。因為現時收租扣起交稅供款等等，會做成每月負現金流，就算唔負都最多level，要正數都唔會好多，咁樣我又覺得真係唔係我玩果套野，因為我係向財務自由行，如果每間負現金流，即係要迫番我出去打工? 今次真係要迫自己離開個comfort zone了.........所以唔買。
如果有自住需要，我會強烈建議你一定要有間自住樓，當然要避開果D納米樓，買間正正常常既自住單位，自己睇餸食飯。唔好因為800萬放寬左，就玩盡佢買800萬樓，你自己條數，只有你自己最清楚，你自己知道壓力所在，亦更加應該要量力而為。黎緊我都提左好多好多次經濟一定會差，你自己份工係點，應該無人會清楚過自己，唔好到時買左又失業，你黎問我點算，我到時可能會只問你一句，原價劈30% 賣俾我好唔好? 去到呢個時刻唔去發財既，果位就唔係一位合格既投資者了，記住商場無父子，自己衰左一定唔會有人去可憐你。
人生有高有低先至係人生，亦因為有高有低，先會學到野，強者每過一次低谷時，功力會突飛猛進，弱者每遇到人生低谷，就會自怨自艾。你想做強者或弱者? 就睇下你自己既心態，而並非靠水晶球。
Account 已死晒，你pm我唔到了，我連login 都唔得，搵下面渠道喇。
業Sir Instagram https://www.instagram.com/yipsirsir
業Sir 微博 https://www.weibo.com/yipsirsir
**************************************************************** 廣告時間:
1. 由東莞同鄉會及本人合辦之大灣區社區分享會 大家如有興趣可以參加(免費) 暫定日期: 11月21日 時間: 晚上7:30 - 9:30 地點: 深水埗
大灣區社區分享會報名連結: https://bit.ly/33CTUuJ
2. 最後一班補課班，時間暫定11月14-15號晚上7-10pm 同大灣區1234班一樣，因為有太多朋友查詢，現在加 開，最後最後。之後想上的，就未必幫到佢了 如有興趣請Whatsapp 54645624
