標題唔勁點吸睛，明年跌25%，見到你驚唔驚?
我老實講真係唔多驚，佢跌25%或跌50%，我都唔會去賣我D野，點解? 我D貨有D已經升左4倍，佢跌到得25%先入肉，另外係就算要止賺走貨都唔會選呢D時間喇，我諗全香港業主無幾多個係傻既。同埋跌25%其實唔係好多，因為之前D樓平均都叫高10%以上，一加一減，其實減好少。同埋大家知，都係似去羅湖商業城買野咁，先叫高一倍價錢，然後你又還平一半俾佢，即係晒氣。
但文內有樣野講，希望政府檢討現有辣招，我反而覺得如果跌市時檢討辣招會有機會令樓市跌多左，之前升又要出辣招，hold住左個市，正常個市要回，因為辣招，又攪到唔回。到而家回時，你話review辣招，我就只怕會否又變另一個人踩人出現。其實政府少D去理個市，我都已經覺得好健康了，老實講成班官D橋有幾得，大家心招喇，我真係希望佢少做少錯就算.......不抱有任何希望。
http://orientaldaily.on.cc/cnt/finance/20181114/00204_001.html
