大家好今日星期日得閒D，上星期太多飯局忙到死，昨日又去睇樓，所以太多野堆埋做唔切，又要攪課程，重新用新既教學模式。傳統既教學太田鴨式，講資訊你聽，我俾你記，你又記到幾多，我出生平凡，但我不甘於平凡，所以要求變，晚晚2-3點先瞓，好彩唔洗翻工，如果唔係死硬。先去片 再睇文
講番廣州收樓，再上次收樓係大約兩三年前，係另一間，呢個屋苑我有兩間物業，一間大係今次既物業，一間細，無記錯都成8x方，細果間無影到視頻，租左好似5500 人仔，其實係低過市值租金，因為無全屋裝修只翻新，同埋有揀客，所以較平租左佢就算。現時海珠區兩梯屋苑物業均價大約50000一方左右，其實廣州既物業市場算為幾健康，因為一開始既限購政策幾好，樓價有升，但尚算健康。另外租務市場極之活躍，呢個屋苑果時一放出黎即刻有人租，一兩日時間，原來該屋苑好多分支家庭。而呢個大單位上手租客係租左4-5年以上先搬走，本身係廣州有別墅，但話唔方便就無住，搬黎較方便既地區。所以買樓要出租得到，個點好緊要，你地經常見到話國內樓無人租，其實好多時個位偏到唔偏，但Agent 要你買時就肯定話起乜起物喇，個個都話有CBD 唔通真係有咁多公司咩。
呢個大單位大約160方，出租7000 以上不難，但可能要翻新下，但上手住左成4-5年都重咁新，已經好感恩。同埋呢個屋苑就係正地鐵江南西站旁，人流極旺，週邊好多大型商場，寫字樓等等，靜中帶旺。有時經常有人問，國內玩二手物業，D國內人只喜歡買新樓，你二手物業邊有人買。其實我想講，國內人係鐘意買一手，但佢地賭性太重，買新樓通常堅係炒，佢地唔係用投資心態去諗去做一件事，佢地係用賭去諗，所以當市況一唔好時就會逆轉。但二手物業既成交市場，只係我地放棄去了解，其實每次番黎對面有位業主勁想買我果個細單位，重要比市價高，因為點解? 佢個仔結婚想多D照顧，就算放地產賣，地產都話呢個屋苑無乜人放賣，基本上你肯放，佢都有信心一星期內賣出。
千期唔好聽人講就信，要自己選擇用對眼用對耳去睇同去聽，重要用個心去感受。買樓ja wor? 要用咁多野去感受，揀女朋友都唔洗喇，係呀揀女朋友，男人只睇幾樣野，大家心照，女朋友都可能會換呀，呢個時代離婚都等閒事。揀樓呀，你買左可能要坐一世，即係到你香果刻都重要掛住佢租唔出，幾慘。 不過走時唔記得影週邊大街，大家有興趣可上百度地圖自己睇番。睇完後你就知個位置堅係乜叫無得輸。
