剛瞓醒，之前同大家講過話回來會分享一些清邁樓盤，我可以同大家分享下。
其實係清邁確實好多鬼佬，個個都係去玩或者係讀書，我諗佢地係讀泰文吧。
中介有同我講，呢邊兩房到3房大約3-400萬泰幣，可以租到20000泰幣一個月左右，我計一計，回報其實極之吸引，呢個就係表面。所以我曾經講過一本通書，不能睇到老，如果齋計回報，無得輸。但你諗深一層，有幾多人會租兩至三房? 我深信唔多，同埋當地人好多有自己地方，唔洗租樓，咁又乜人去住? 外國人。但外國人黎旅行多，有幾多個會租兩至三房住? 即係好小人會租，即係有價無市。
咁當然我就打蛇上喇，兩三房唔係我target ，咁就當然睇一房或studio。原來一房，大約3x萬人民幣，出租我見到好多都10000-14000泰幣一個月。計計回報足有8厘，都好吸引。又係回報，係啊，計落真係幾正，佢同我講就話好好租，當然我自己跟本唔知係咪，但我深信如果大家有興趣投資正路應該係一房一廳或studio flat。我果日去睇，就不見太多人出入，但見到好多房都應該無人住，因露台基本上無放野。
而我只想帶出一樣野係，我住間酒店就120蚊一晚，好多都住爆左，重要好多鬼佬住，但就無泳池健身室呢D。咁就可能留意到一樣野係，未必太多外國人在這裡長住，同埋班外國人看來亦非有錢。因為按正路計呢類公寓呢種質數做abnb 應該收到300港幣左右 一晚，而其實酒店有同等設備我見網站上也是3-400港幣 一晚左右。所以係日租計算內，亦同酒店一齊競爭，如果價格差不多，我深信應該會選擇酒店比這裡公寓好些。
結論，呢類公寓，如果大家想投資的話一間先試水溫，但呢舊錢一定係要閒錢，閒到唔閒果隻。同埋我諗換客會換得好密，所以一定要當地中介去管理，但收你幾錢，我所知係10%左右。至於維修等等，我唔知幾多，因無交過手，中間食你錢就一定了，你唔洗驚。就咁睇，唔係無得玩，但我覺得最好方法還是要自己在當地一段時間摸熟運作，維修，裝修及其它等等價錢，同埋你俾我亦一定要做abnb 而價錢可能200港幣左右一晚，先可以避開同酒店直接競爭。還有一個問題是二手流轉不多，無乜當地人接手。
還有是泰國物業你可買的，是一定要這棟物業有泰國人持有51%或以上，即是有一些要求。所以我用比較陰謀類思考的，來港出售的物業，有機會是把價錢提高了差不多當地市價一倍左右，公司持有51%的，但賣出來給你49%的單位，足以cover所有項目收益價錢，那51%的業權，就是賺的了，可以用來出租銷售等等，這是無得輸的策略，就算佢包你租金回報，用你的單位加多個單位去養你個單位，也是沒有輸的，因為其它單位是零成本。你俾我，我都會咁做。
但老實講我自己暫時也並不會考慮，一來未能確定租務回報，同埋太遠，有乜事跟本好難過去處理。暫時大灣區物業車就可到，我未覺得需要去泰國投資吧。
記住我今次係睇二手，並不是一手，一手的公寓或住宅，我個人是不建議的。
盤1: 作為業主可免費使用公寓配套的泳池、健身房、停車場，整棟公寓實行24小時監控保安值班。適當添置床上用品和餐具後可直接拎包入住。購房後，享受永久性產權！價格：一口價195萬泰銖，約39萬人民幣，過戶費、稅費全包！
盤2: 清邁大學附近公寓轉賣，面積30平方米的大開間，位於2樓，公寓總層高11層。公寓游泳池、健身房、停車場等配套齊全，附近有清邁大學，蘭納高爾夫球場，700年體育館等，位置佳，121號大馬路邊，出行便利，到MAYA商場和甯曼路僅5分鐘車程。價格：一口價150萬泰銖，約30萬人民幣，含過戶手續費和各種稅費！