呢個視頻唔錯，教晒所有人點樣用最平既方法經港珠澳過澳門。我都覺得拍得唔錯，最主要好清晰，一步步教你點坐車確係幾有心機。我自己暫時就未試過咁樣上大陸，因為剛剛先從北海道番黎，但我知道從中山過港珠澳好似大約一小時，再坐過境巴士大約45分鐘，加加埋埋最少兩個幾鐘頭。
我覺得呢個係大橋開始時試行既關系，但起碼呢條大橋可以做到將虎門橋塞車程況可以有少少改善，明年虎門二橋完成，就會大大改善交通程況，去中山應該兩個幾鐘頭車就可以了。到將來深中通道再開通後，我諗中山呢個地方真係不得了，不過需然咁多利好消息，但我們也不能太樂觀。同股市一樣氣氛差，你亦不能看得太差，氣氛好時也不能看得太好，始終現時既市況我自己覺得好人為，唔知佢幾時玩完野，隨時揸個爬，又係好朋友了，真係無人知。
中山你見到現時好多交通配套開始改善中，但係咪真係可以不問價 gogogo? 我可以答你唔係law，呢期既中山好奇怪，你會見到好多香港人鐘意既盤反而開始有平貨執，相反一些好多中山人或國內人住既地方就硬過碌鐵，無平盤，重越賣越貴，有時香港人既一套是否適合國內呢? 揀既盤又係咪同國內人諗法一樣? 我可以同你講唔係law，因為我自己試過一D單位用自己思維去做裝修出到黎賴晒野，唔好租，國內人唔鐘意，最終點? 咪平D租出去，洗左同等既錢，但要平租，你心甘情願嗎?? 我諗我唔願law
