港珠澳開通，真係差不多等左三年零八個月呀。開通左就可以坐車過澳門，唔洗坐船，暈船浪暈死了。過珠海又可以陸路，上中山又唔洗兜大圈，受虎門塞車之苦，其實相當偉大，我唔理什麼大白象工程，但佢真係可以幫到我上中山等地先。 昨天開通左既港珠澳，一開頭難免做成混亂，所以大家盡量等佢安排好少少先去，費事到時有乜麻煩。我就重攪野，我花左半年時間去抽個牌，上星期剛剛收到通知，可以出牌了，手續煩到死，又要俾兩地保險費。終於出到牌，本來諗住可以揸車行港珠澳過澳門，點知，之前架車打左柴，整重貴過買，一氣之下劏左佢，決定以後唔再用車，咁睇黎呢張禁區紙真係可以買個相架掛起佢，有時有D野，真係幾諷刺。
