做一個叻既追隨者? 我唔會law
其實我自己都幾支持薯片叔叔架，佢近來出左兩套片都係有深度，其實佢既諗法同我好想似，當然我無佢咁叻喇。 大家先看故事內容，大家睇完後後會發現其實呢個就係我經常所講大家被一個社會框住，社會只覆制一色一樣既人，就算好識背書，佢地只係應乎考試。最終社會就出現在一堆好叻既追隨者，我唔明白點解要做出一堆好叻既追隨者 去跟前人所做既野去做。你做得再好都係一個追隨者點都做唔到一個創新者，你明未? 讀書好好? 學識好高? 咪打工law 相當簡單?
我真係無興趣成為追隨者，我要做既係要做創新者。我小時候細個本來係一個有框框既框架下長大，但越大個成績越差既時候，就懷疑自己是否在此世上屬於無用類別。我小時候想做醫生架，但越大越發現無乜可能。當中五過後就覺得9成以上都係打工打到死，無機會上到位，但又咁講自問唔甘心。所以讀書時我就經常儲錢，希望憑機會去做一D野，越打工越發現原來公司只係想搵一個員工幫自己做野，多於想個員工好，就算老細嘴裡咁講，終歸都係為公司。
我自2008年起，終於發現呢個世界原來係有些地方可以令自己跳出去。第一我唔係一個叻既追隨者，叻既追隨者 世上比比皆是。但一個成功既創新者，應該唔會太多，先不論成功與否，我諗起碼我有個心去做創新者就算衰左，咪做番個失敗既追隨者，成功同失敗既追隨者 其實都係同grade 姐，你話係咪先，好呀Q呢???
