自己從小到大，都知香港首富係李嘉誠，老實講我越大越佩服佢，佢咁多年以來睇個市比所有專家投資者更準，係佢下面所有專家同投資者都好似係初階一樣，中環中心一役已經見到。
誠哥去到呢個級別，跟本唔需要係大眾面前講大話，所以佢每次都講得好真，亦講得好準，當然不能祈望佢個仔做到同樣效果，但老實說誠哥呢種Level 佢個仔應該都幾難超越佢，唔係話大少唔得，而係誠哥太利害。
新既一年就正如誠哥所講，可能大家都真係要留番個錢係身，唔好亂花，佢果句 "大家都要小心D" 裡面字裡行間都可能講左你地打工仔份工真係保唔保到?保得到份工有本事供到，你咪可以買樓上車自住，保唔到份工你重點買樓? 一句幾個字已經透視到誠哥對今年市況點睇。
誠哥係我永遠偶像，需然我唔多鐘意掂佢既野，因為佢太利害，自己自問怕一掂即賴，但佢係公開場合對市況既分析得咁準咁透徹，我相信全港真係得佢一人。
https://hk.finance.appledaily.com/finance/realtime/article/20190111/59132209