財務自由，呢個詞大家好熟吧? 但睇緊呢編文又有幾多人可以做到呢? 上星期正好下午起床後出下文上下網，見到之前有D買一送一贈券未用，咁咪即刻同佢先去飲個下午茶再去睇場戲，60蚊兩個人睇，真係超抵。睇完戲，就去翻酒樓食個晚飯，成日我洗左都唔夠300蚊，原來平日飲茶睇戲食晚飯其實可以咁抵，但老實講做打工仔有幾多個可以平日睇戲呢? 我幾年前都仍然要係呢個老鼠圈到兜兜轉轉，當然果時已經無左壓力，但始終放唔低無工作既日子。
有人講過千金難買少年窮，又有幾多人確切感受得到? 呢句其實係相當真實既名言。我係窮等人家出身，我小時候為左慳錢去打機，去督波，會慳飯錢，食平飯。係機鋪打機就成日2蚊打好鬼耐，好記得以前打街霸2，操死一個，D人係咁coin 機，不知幾好玩，不過果時要識得閃，因為當有人連續coin 你5-6鋪都唔贏時，你就要輸一鋪俾佢割和青走了，不然交都有得打。督波呢? 當然搵D好肯定比自己渣既，然後佢又要覺得自己好勁果D，打4鋪就贏3鋪好了，不然下次佢就唔同你打，同埋唔好炒人地，呢D就係督波同打機的藝術，贏不能贏得太盡，窮人就要有窮人既玩法。
細果時朋友出街食飯，我永遠食最平既飯，佢地就大魚大肉，重問我洗唔洗咁慳? 後來發現久而久之我原來已經好習慣呢種生活，我一D都唔覺得自己慳。到而家我自己真正地做到財自了，財自係被動收入大過每個月既洗費，我既被動收入基本上係由樓既租金而來。今時今日，我唔洗再睇餐牌幾錢去揀食乜野，買野時亦手鬆好多，但因為以前慳慣了，比好多其它人更容易達到財務自由。如果我自小生於小康之家，要揸靚車，食好野，住靚屋，我諗我有排都未財自到。財自其實並非大家所想咁難，但就正正可能你要犧牲一D野，亦可能搵到一D你既新出路，就好似我咁，我都估唔到我買樓可以買到教人，我興趣確實係物業投資，我現在可以用我既興趣作為我賺錢既途徑，我確實好開心。除左賺錢，我自己真係覺得幫到人，因為好多學生上完堂後，都可以變成大灣區專家，老實講我真係覺得我有教到野俾人，錢係重要，但比起搵到同道中人，錢其實已經成為次要了。
廣告時間 係香港2-30萬可以做D乜? 買架車? 去旅行? 溝女? 定買股票? 我話你知2-30萬，係大灣區可以買層樓，係有租收既樓，回報重可以到4厘以上，又可博升值，唔去了解你就笨喇，重等?? 即刻報名喇
大灣區房產分享會，將會同你解開內地置業嘅迷思，二人同行仲有特別優惠。
日期：2018年12月1日 (星期六) 時間：1:30pm - 4:30pm 地點：觀塘區 (詳細地址報名後通知) 費用：$200 (1位)；$300 (2位) ※門票數量有限，額滿即止。
