其實多年前我睇過一個小說，”那天，我出席了一個葬禮” ，其實我睇完後確係好感動。因為小說內容講既人同事，好真實，我同我既中學同學有幾多年無去宿營? 露營? 等等，我地每日係咪只為自己家庭番工，番學養車供樓等等。原來我地連小小時間抽出去同舊朋友食個飯既時間都無做到，我地係咪真係咁忙??
故事中，阿峰，係呢D活動既搞手，好不幸佢因為癌症走左，唔煙唔酒都因為肺癌走左。但原來阿峰走時為佢自己認為最好既朋友留低左一D好寶貴既禮物，就係一封信，信中係阿峰為一班舊同學去準備佢人生最後能為大家準備既一件事情，就係一個三日兩夜既宿營。
當然當其時大家朋友都各有各忙，一開始好多借口話呢樣唔得果樣唔得，但最終咁多人都應承左阿峰最後呢個心願。當然去到那地方，又係訊號收不到，電話就等於廢物一樣，跟住一大班中年人就做番少年時會去做既事，重拾青春既感覺。其實咁多年我地確係對自己好差，唔去搵朋友食飯，吹水，只係不斷搵錢。到最後，大家可以聚下既，可能係其中一位舊朋友既葬禮，幾諷刺?
朋友係我生命中唔係可有可無既事，佢同錢一樣，我的必需品，無朋友既人生，有錢亦都無乜用。所以由而家開始我會踢番波，唔踢都去吹下水。 我極力推薦此文給大家分享
