近日一片大灣區問題熱話，又車位，公寓，別墅，車牌等等投資，個個都話炒，但有幾多個真正識得係乜同知道係乜?香港人最弊一樣野係乜都炒，點解唔可以踏踏實實去投資。
剛剛電視台又有大灣區節目，野食果part 唔講，但在樓果part 我覺得確係有需要解釋清楚，點解? 因為確係好多C9 睇完後9沖，你播個節目簡單，9沖輸錢事大。昨晚一集剛講到有物業又可以商業，又可以住，重可以退休等等，話好適合投資。點解你又唔講埋產權幾年，水電費點計，不能明火煮食，無學位，無落戶，按揭5成及借得10年錢等等問題。你記住你賣一個樓盤容易，但如果你講晒所有好壞處佢仍然照沖，呢個係佢問題。如果你唔講壞處，只講好處的話，公眾信左，到時沖左去買，你其實係極之有問題。
點解我會咁講呢個問題，事緣上星期坐大巴從中山回程中，確係聽到一群C9話跟電視台果位去買野，話一佰幾十萬一個單位抵喇等等，原來電視還有其影響力，你播一D資訊出黎，我諗真係要思前想後才好做好少少。 永遠懷念邵爵士!
你估個個師奶有下面為靚女咁醒咩........
