小弟現在需然主力投資大灣區物業，但香港始終還是本人之根據地。老實說小弟並不是什麼利害分析員，但小弟自問對香港物業市場還是有點自信，希望自己分析會幫到大家，如果覺得文章不合，也請和而不同，我唔介意同你拗，但就算拗贏拗輸都好，也傷感情。
P.S :山竹到了，如見毛孩在閣下家門外避雨希望大家不要驅趕，等風暴完了，牠們自會離去，謝謝 今日講講香港樓市,近來好多 KOL 已經分別轉口風睇樓市可能會回調。更話長遠
一定升,但短期會回調,其實呢個理論老實講同阿媽係女人既道理差不多。香港
無什麼天災,尚算為一個福地,只要無乜疾病戰爭,基本上以印銀紙既速度,長
遠係一定會升。但其實係值博問題,在一年前,我已經多次講過香港樓暫時不值
博,只係有部份區還可以考慮,例如之前所說的葵涌,如果有跟買,你會見一年
多前後既價會幾唔同。可能外區會升得還多,但記住我考慮既叫防守力。有時有
些物業,升得快其實等於跌得快,同股票一樣。但有些物業升得慢,亦會跌得慢,
每個市況不同,當大升市時,當然前者好,但現時市況係守得到你就贏,所以你
話買乜野好 D? 我並唔係叫你現時去葵涌買,千其唔好,已經貴晒了。 我暫時睇香港市場回調不會超過兩成,至於幾時? 我只可以講唔知,但老實說,
我自己也深信不會太耐,可能年初左右,但相信維持時間不會太久便會重拾升軌。
如果現時確實想投資物業的,暫時我只覺得只有兩種有險可守,就是村屋及一萬
價錢樓下洋樓。
村屋上升同下跌好細 range 同埋住得的多是自用,及喜歡週邊環境。村屋很多問
題較覆雜,買賣按揭等等,當中陷阱也多,無一位專業做村屋的地產代理及熟識
村屋文件的律師樓好易會賴野。一萬樓下洋樓就更加不用說了,這個應該好多人
話無,但正正我有收過呢 D 盤樓齡可能較大,但位置極靚,出租不成問題,就
睇你是否花心思去搵。但當然以上兩類物業我是以防守角度去說,而非對進攻方
面去分析。現時風高浪急,我只奉勸大家守得到才有明天,不然潮退時,個個都
無褲著,就真係賴晒野。 另外近來學生也經常問一手新盤如何,對後市點睇? 老實講發展商出得 10 成按
揭,我自己睇就絕非好事,因為呢 D 招通常係散貨先會出動,同埋邊有人咁好
死出到 10 成按揭俾你上埋車呢,所以一定有古惑,正所謂阿婆走得快,一定有
古怪。所以我奉勸大家還是盡量遠離這類呼吸 plan 既按揭,至於一手物業,自
問一向自己都不碰的,如果你問我我也只會說因溢價問題還是少碰為妙。其實我
所見還是有一些幾超值的二手盤出現的。我也有預感是早一兩年推出之呼吸 plan
到 3 年後,可能會有一波走貨潮,可能你會有機會買到心儀的樓齡只有幾年之新
樓,但當然不能保證,一切也是預測。
至於近來亦都收到一些地產趣事,有人用 5xx 萬買入 7xx 尺唐樓做套房,做完後
收 13xxx 租金回報,真係 80 歲唔死都有笑話,我心諗係咪痴線,做套房都重係
得 3 厘? 咁做黎做乜? 衰 D 講你驚匯水,你換晒美金,做定期而家都兩厘尾,
乾手淨腳免煩,我真係諗唔到點解要去做。後來從地產得知買家係上左一 D 堂
同聽左人講做套房好而去買,點知賴到一褲都係....... 重問個地產點解租咁平。
我重申現階段唔好做套房了高風險低回報,遲 d 你就會明。
圖1: 葵涌盤，一年前有些盤可平100萬左右
